ساكن ف قلبي وجع
شعر /خالد إبراهيم
******************
ساكن ف قلبي وجع
والحزن عشش فيه
وشوشت لجله الودع
وغلبت لجل أراضيه
ماسمعش مني الوجع
ولا صعبت..... عليه
ساكن ف قلبي... وجع
***************
من بوم ما جيت دنيتي
والهم عرض وطول
الليل بيصبح نهار
والبال يبات مشغول
لم دقت طعم الهنا
والفرح ماله بخيل؟
برد الشتا سقعته
سابت ف جسمي دليل
والصيف معاند معايا
وبسمته........محاليل
الليل كساني وجع
واتوضا ......من دمي
وصلى .. فوق جثتي
وسقاني ..مر...وويل
ساكن ف قلبي وجع
**************
ساكن ف قلبي وجع
يا مين..........يطمني؟
عمر اللي فات ما رجع
والفرح ......مخاصمني
عايش.... على لقمتي
يا خوفي .... من بكره
قلب الجناين .......بكى
إيه اللي راح يجره؟
ساكن ف قلبي ...وجع
*****************
خالد إبراهيم
ليست هناك تعليقات:
إرسال تعليق