انا ابنك اللي بيكي راضي وبقليلك
انا اللي بادافع دوما وع الفاضي باحابيلك
وشايف في عيون الناس حاسدينك
انا اللي باسعد وباتمرمغ في طينك
اناابنك اللي قلبي وعيوني حافظينك
واموت مبسوط واطرد اللي معاديبنك
انا اللي اوقات باقول دي عيشه سوده مش عاوزينك
واقول ح اهرب ولاتاني ح اجيلك
ليله والتانيه اسهر ماانام واحلم بايدك
ابوسها واحضنها وبراسي وكلي انحنيلك
واطلع فوق فالسما واطبع قبله علي جبينك
وانزل هنا اسبح في تبر نيلك
مانتي العلاج والدوا انتي اللي وصفينك
انتي علاج يشفي من كل اللي كارهينك
غاليه انتي ياغاليه علي قلوب محبينك
انا ابنك اللي بأطهر جسمي بطينك
انتي امي وعجباني وبيحصل بينا كلام
واشد وتشدي واترحم علي جدي اللي باع ملكي وساب الفقر يقتلني
وساعه ادعي عليه يموت تاني
ولابيسمعني وانتي يابلدي محيراني
لافيكي عايش ولا بره عايش ازاي عاملينك
ساعه وحده بره اشم ريحة طينك
واحلف وابكي من الغربه واموت قوي م الفرقه واقول يخرب سنينك
وان عينوني سفير ولا خلوني امير
اتمني شيال حمولك
انتي غاليه ووخداني ياغاليه ليالي وايام
ممكن اعتب عليكي رمياني ولا حتي احلام
واقول في سرى قاسيه وخيرك للناس ناس
حرمينك ناهبينك وعاملين عليكي حراس
احسبها شمال ويمين واكتب بقلمين في كراس
وتاني يوم اسمع انه حرامي وخناس
وماله مش ماله وماصه من دم الناس
واحمدربناع ال انا فيه ومصري لو اشتغل كناس
وعايز اكلك باسناني ياغاليه واضربك بالفاس
وزعلان قوي منك ياغاليه وياخدني الاحساس
ودمعتين ينزلوا ياغاليه ومن فقري صداع فالراس
وتنشف دمعتي ياغاليه واشويه ابقي خلاص
واللي يقول عليكي ياغاليه كلمه اضربه بالمداس
وعشانك ياغاليه اقطعه واعمله عبره للناس
اوعي ياغاليه يوم تحطي في بالك ان عيالك كارهينك
ولا يوم يبيعوا رملك ولا عمرهم بيعينك
باعوا حياتم وارواحهم وبالغالي شريينك
دانتي الفرض والقبله واحنا ناويينك
نحجك ونطوفك وان ندايت ياوطني نلبيلك
انا ابنك الطيب اللي خيره للبعيد
وللقريب
اتعلمت منك اعييش كله جنبي مانا تعليمك
واسامح شويه وانسي القسيه مااحنا عارفينك
ياغاليه اناسمكه بلطيه في نيلك
وانتي لي الهوا والميه ودينك
اتنفسك والميه احنا شربينك
لانعيش بره ميتنا نعطش نجيلك
انتي غاليه وبالقرآن عايشه وانجيلك
واللي يحس انك طريه بس اتحمريله عينك
اهرب من الدنيا واجيلك
وافرد اديه وفي عنيه اشيلك
والقي اديكي حضناني
ولا ارتاح غير في حضنك
ولو قالولي الكون كله ملك
اموت انا اموت في فقرك
ويشرفني اني ابنك واضمك
باحبك امي بيضه حلوه
باحبك امي سوده كالحه
باحبك ياامه توته طارحه
باحبك واموت في لفة الطرحه
باحبك كدا صابحه منوره بقنديلك
مابتعرفيش تطبخي ولا اكلشي الا من ايدك
باحبك فقير اجير ولا انامشي الا حصنيلك
علي ترعك بامشي اميرفالعصاري
فين يامصر القي نيلك
انا ابنك
بقلمي /
محمدحسنين
عاشق طين بلدي
01033310655
ليست هناك تعليقات:
إرسال تعليق