بيعاتبوني عنيك
غنوه
للشاعر السيد الشهاوي
بيعاتبوني عنيك ياحبيبي
علشان دايما جايب سيرتك
والناس قبلك ياما قالو ا لي
لا نسيتك ولا عمري هجرتك
الليله بس دموعي خانوني
اذاي بس عنيك يلوموني
طيفك والذكري يصاحبوني
وانت اذاي لياليك نسيوني
*******
في عنيك شفت الدنيا زمان
نشوانه بترقص حواليا
وهواك خدني من الحرمان
هام بي في في احلام ورديه
وياما لعبنا مع الايام
وف بعدك ياما لعبت بيا
وانت معايا شويه عليها
وشويه ياحبيبي عليا
*********
مش باشكي لك قسوه قلبك
ولا باشكي من هجرك ليا
واتعودت خلاص في غرامك
تشتري دايما وتبيع فيا
بس باقول فيها ايه لو يعني
ذي ما خلتني نسيت عمري
كنت كمان خدت طيفك مني
وصورتك غابت يوم عن فكري
*******
يا معلمني الحب ضحك ولعب
وجناحك طار بي لفوق
علمني اذاي ارجع تاني,,,,,
علمني اذاي انسي الشوق
يمكن اقدر انسي زماني
وانسي معاك عمري وايامي
وان مقدرتش سيبني في حالي
وخد بس طيفك من قدامي
ليست هناك تعليقات:
إرسال تعليق