ناب الزمن
من ديوان (نجمتين وسبيل)
إلى روح الشاعر .الزجال الكبير/بيرم التونسي
شعر /خالد إبراهيم
************
ناب الزمن علم
وفات لي حروح
والغربة مر وألم
حتى الفؤاد مدبوح
شمس النهار رحلت
بلا استئذان
سابت في قلبي ضلام
مالوهش أمان
والحزن عشس في الضلوع
والروح
مات اللي كان ع الحرف
بيطبطب
يمسح دموع الشعرو الأوطان
ويمد إيده للفقير ويشيل
ويهز عرش الظلم .لما يتعصب
بقصيدة منه كان يهد جبال
(ومسلته) تشهد
وأول قصايده
كانت في المجلس البلدي
كسر حيطان القهر بمخالبه
وحروفه صبحت وطن
للي مالوش أوطان
بيرم يا نسمة صيف وضلاية
يا شجرة طرحت سرير
للفقرا.وملاية
يا حلم بنت بضفيرة
شعرها أصفر
لم قلت آه رغم الأسى والمر
لما نفوك يا أصيل
من مصر للسودان
وشربت كاس الفراق ف باريز
ما قولتش آه
عشان أنت شاعر جدع
عشان أنت راجل حر
يابيرم افتح بيبان قلبك
وعدي الموج
وغني مصر بقصايدك
للي عاشقينك
وارسم حروفك مدن
للحق لجل نفوج (نفوق)
لو قلت فيك ميت قصيدة
حبي ليك أكتر
يا صاحبي حل القيد
وحررني
عالم ورق والناس رفوف
مابقتش حاسس بالوجع
والقهر
وغلبت أعافر فيها
لجل أجيب المهر
باشرب مرار منقوع ف بحر الصبر
يا ميت خسارة
ع اللي عنده ضمير
هيعيش وحيد وضلوعه.تتكسر
ياصاحبي حل القيد
وحررني
عالم ورق والناس رفوف
ونزفت صوتي ع الورق
بركان
لا الصوت طلع
ولا قلبي بطل خوف
كاس الفرح فاضي
ومره كتير
والحزن ساكن روحي ومعشس
يا صاحبي حل القبد
وحررني
واطلق سراح كلمتي
كفياني حزن ونوح
ناب ازمن ..علم
وفاتلي جروح
******* ****** ********
@خالد إبراهيم@
ليست هناك تعليقات:
إرسال تعليق