يللي عايش كلمات اسامة فؤاد حنا يللي عايش بالطول والعرض ....ونفسك تملك كل الارض
عمال تجري يمين وشمال ....مش شبعان من جمع المال
وتضحي بكل شئ وتدوس ....في طريق جمع الفلوس
ونسيت انك وسط الزحمة .. تقدم خير او تعمل رحمة
بكرة تسيب المال والغيط ...بكرة يكون لك قبرك بيت
ولا راح تسأل فين اموالي .....ولا فين عزوتي وعيالي
مش هاينوبك يا مسكين .....من املاكك غير شبرين
كل اموالك مش راح تنفع .... ولا اطيان وفلوس راح تشفع
الحق قدم توبة نقية .... ده معدشي فى العمر بقية كلمات اسامة فؤاد حنا
ليست هناك تعليقات:
إرسال تعليق