ق/كل ذنـبـى إنــى أمــيــن
ك/أحمد عبد الرحمن صالح
※※※※※※※※※※※※※※※
※
※
※
أه بعترف!
إنى اللى بينى وبينك إنتِ شك اقوى م اليقين
حـالـه كامله مـن الخيانة والمشاعر مصدومين
كنت بـوهبلكِ سـعــادة تكفـى كل المـحـرومين
والتمـن كان الخــيــانــة والشواهــد موجــدين
تلفـونــات ارقــام غـلـط والـرسـايـل محــذفين
لـيـه قبلتى مــن الـبـدايــة تخـدعيـني بالسنين
صـدقيـني مش بـلـومـك ع الـجـراح المـدفُنين
أو هـاعتـبك ع اللى شفته لـمـا كان ليل الحنين
مستحيل أنسـى اللى شفتـه تلفوناتك مفتحين
إنكرى لـو قـادره تحكـى قـولى هـو يبقـى مين
حــد شبهكِ نفـس طبعكِ للخـيـانــة مقسومين
لـيـه قبلتى تـخـونـى قلبى رغـم إنـه كان أمين
ربنا صعب إنـه يظلـم للي عـاش يـوهب سنين
بكره يخلـص كل طــارى لـمـا غيرى ليك يهين
وقتـهـا يمكن هتـعـرف
إنـك إنـت مـش أمـيـن
إنـتـهــى وقـت الكـلام
وإبتدى حساب السنين
كلمات/أحمد عبد الرحمن صالح
ليست هناك تعليقات:
إرسال تعليق