قصيدة بعنوان........ شوفت فيكى
لما عينى جت فى عينيك
الحياة رجعت لى تانى
شوفت فيكى الفرح كله
وأبتسم عمرى وزمانى
مهما أقولك ع اللى حاسه
مش هأقول أحساس ملانى
كل دقة ف قلبى ليكى
بتصالحنى على الليالى
واللى شوفته فى قربى منك
شئ جميل غير لى حالى
أرتوى قلبى بحبك
وأنشغل بيكى ف ثوانى
أنتى أجمل فرحه ليا
سحرها ساكن فى بالى
قلبى سلم ليكى وحدك
والحنان والشوق ندانى
عمره مرة ما حس قبلك
ب اللى حاسه معاكى تانى
واللى شوفته فى ليلى بعدك
نار بتحرق ف الأمانى
طول غيابك لسه قايده
مش هتمحيها الليالى
كلمات الشاعر محمد ثروت عبد الحفيظ
ليست هناك تعليقات:
إرسال تعليق