غطيها
غطيها مراتك واسترجل
واسمع مني بلاش تتبرجل
واوعى تقولي انك مستعجل
هي دقيقه راح افيدك فيها
غطيها
غطيها واوعى تعريها
ولكل الناس توريها
دي امانه ولازم تحميها
سابهالك الي مربيها
غطيها
غطيها بالطول والعرض
خلي ازدالها لحد الأرض
والي لقيتها رافضه العرض
وديها للي مربيها
غطيها
غطيها دي عيون الناس
قتاله كأنها رصاص
راح يخلو سيرتها مداس
وانت يا سبع يافرحك بيها
غطيها
غطيها ومتبقاش سلبي
وتسمعها ياروحي ياقلبي
طبعاً مش منك دا في الشارع
ما انتا التيس الي مراعيها
غطيها
غطيها وانت الكسبان
وأوعى تلبسها فستان
نصه ضيق والباقي عريان
تلقي كلاب الليل حواليها
غطيها
غطيها يا سيد الناس
خليها حتت ماس
وارفعها فوق الراس
واوعاك تهملها وترميها
غطيها
محمد طايع شاهين نصار
ليست هناك تعليقات:
إرسال تعليق