انت مين........كلماتى عادل داود عسكر.....
مين انت.... انت مين.... زينا. انت زى البني آدمين
مخلوق. زينا.. من نوعنا وجنسنا.من تراب او طين
كلامك مش زى كلامنا. وصورتك. مليانه... حنين
همسك. غريب عجيب. حيرت عُلما.. ....وعرافين
انت مين..
الناس إحتارت وياك.. انت..جان............ ولا ملاك
ضيك مازيهُ ضى. .كل من شافك. بالقلب بيهواك
وساعات تختفى.. وتبقى كل العيون مش شيفاك
مخلوق غريب يحير. إللى يشوفك عمره ماينساك
انت مين...
صمتك كلام. وهمسك غرام.. ونورك زي نور الشمس
بتيجى فى الاحلام.. زي الطيف. لالون........ ولالمس
تلميذ ولا استاذ. ولا انت.. الكتاب. والمرجع والدرس
انت ايه. وليه وازاى. ولا انت الشعور والنبض والحس
انت مين..
انت الكلام.. ولا المعنى. ولا.. رنين. وصوت... الحروف
انت. الزمان ولا المكان. ولا الاحلام إللى جوانا تتطوف
انت حاجه ولا كل الحاجات وصنف ...ولا كل الصنوف
انت مين. انت حاله. ولا مقاله. ولا انت كل... الظروف
........عادل داود عسكر....
ليست هناك تعليقات:
إرسال تعليق