الف وكسة
_______________
الف وكسة والف نكسة
يافريق فاشل ملهوش لزمة
جبت للشعب المرار
وفى وجودك الفين ازمة
كل كابتن فى الفريق
له هدية مليون جزمة
جزمة لخيبة الأمل
وجزمة علشان الفشل
وجزمة للحلم اللى راح
وجرح لا يمكن يندمل
وفلوس ومعسكرات
وتحرش بالبنات
ومكافآت بلا عمل
والف وكسه والف نكسة
وخيبة امل ركبة جمل
____________
الف وكسة للى خان
واللى باع لينا الكلام
واللى قال إن الفراعنة
فريق كبير لا يستهان
الف وكسة للى باع
وهم لشعب الكنانة
وصحينا على دمار
من فرق لسه صغار
تركت جوانا علامة
وإنهزم ابخس فريق
فلا عتاب ولا ملامة
بعد ما صابتنا المهانه
والف وكسة والف نكسة
لمنتخب طاله الندامة
_____________
حاسبوا والله كل خاين
الفساد طال الملاعب
من شوبير لهانى ريدة
وسماسرة الملاعب
مصر مش سلعة تباع
مصر مش ناقصة صداع
راح نحاسب كل خاين
خد بلدنا للضياع
والف وكسه والف نكسة
مصرنا درع ودراع
_________________
شعر / محمدتوفيق
مصر_بورسعيد
ليست هناك تعليقات:
إرسال تعليق