حلم عمرى
غنوه من كلمات السيد الشهاوى
قالوا لي باتدور عليك
وكانت هنا وسالت عليك
وسابت لك ويانا رساله
بتقول:فين تقدر تلاقيك؟
صحوا فيا نار هوايا
وانا اللي كنت فاكر نسيت
وقالوا لي بتسلم عليك
****
قلنالها :ليه سبتيه زمان
للهجر والشوق والحرمان
قالت لا سبته ولا سابني
استكتروني الناس عليه
وقالوا لي يومها انت القمر
بين النجوم ...مين يحلم بيه
وكان فراقنا...كان قدر
ومين اختار ...حظه بايديه
وضاع شبابى وضاع عمري
واتاريني لسه بافكر فيه
قولولي فين واذاي الاقيه
قلنا لها حالته بقت حاله
هيمان في غرامه. .ياطول لياليه
وعشان مش عارفين عنوانك
احنا ...ومش عافين اراضيك
مشيت ودموعها في عيونها
وقالو لي بتسلم عليك
*******
صحوا فيا الذكري تاني
بعد ما ضاع من عمري سنين
ما بين جرحي وحرماني
ولوعه الشوق والحنين
ورجعوني لذكرياتي
ايام ما كنا صغيرىن
وكان هواه كل حياتي
والحب بينا اتولد جنين
كبر معانا اما كبرنا
وزرعناه ورد وياسمين
وعهد كان بينا ويمين
لو حتي الايام نسيتنا
انا وحبيبي مش ناسيين
*******
انا قلت لو سالت تاني
ابقوا اوصفوا ليها عنوانى
ما انا اصلي بنيت لها في خيالي
قصرعالي...فوق السحاب
فوق احلامي
وبيوت كتير قوي من شعري
من وحي اشواقي وحبي
وطيفه كان دايما جنبي
وفضلت هناك انامستني
القمر ...ومين يحلم بيه
*****
انا بس اللي محير فكرى
الجرح في قلبي بقي اتنين
كان يكفين عذابي لوحدي
ولا اشوفشي دمعه في عنيه
وقالوا لي بتسلم عليك
ماشاءالله تبارك الله يسلم لسانك يا غالي
ردحذف