بكره السواقي تروينا..
شعر الأستاذ/محمود الققطوعي..
لقيت اخويا ذي ابن عمي .....الاتنين ظلموني ويا الغريب
ياحلاوة الروح صلى وسمي .........وهاتي للزمان طبيب
يداوي الهم اللي ف همي ...... ده المرض صاب الحبيب
سألت فين راحوا الحبايب ........اللي كانوا زمان قرايب
الغريب يحكي العجايب واشوف ..قريبي عن عيني غايب
لو شافني يهرب ف حارة تانيه .....مع ان لحمه ودمه مني
لوعيني حطة عليه ف ثانيه ........يلف دماغه ويبعد عني
وانا شفت كتير غرايب ......... زمان واعجب م العجايب
اللي عطفت عليه بحناني .......سابني ياناس وراح ورماني
لما ف همي شافني ولقاني ...ماوقفش جانبي ولاجه واساني
وراح للناس واشتكاني .......ادي المعروف اللي منه جاني
ناس واغرب م الغرايب ...........زمان واعجب م العجايب
الكل باصص ده عند كام ..........ا.لغيرة كترة ويا الخصام
واللي بيوصف حظه ف كلام ....والود راح ما عاد له دوام
حلال ده كلوا ولاحرام ...........ده اللي بيخلص كسبان تمام
ناس واغرب م الغرايب ............زمان واعجب م العجايب
شعر الأستاذ/محمود القطوعي..
الفلوس عملت عمايل ................. .والمحبه مش بالجمايل
ياما جمل نخ وكان شايل......... .....مال بحمله وبحمله مايل
كان ف زمانه قادر وطايل ...........دلوقت فين وانا اللي قايل
انا شفت كتير غرايب.................زمان واعجب م العجايب
ليه الأخ بعد عن اخوه............وراح بيحضن ف اللي خانوه
ناسي اهله وساب ابوه...............ع الخير رباه وياما علموه
يوفي ويطلع وعرفوه ..................اهلك لتهلك وعقلك يتوه
وانا شفت كتير غرايب...............زمان واعجب م العجايب
نسيوا النصيحه اللي قالها جدي........والاقي مين يقولها بعدي
لو يوم خانتني الأعصاب ف ذندي..ولا الزمان شل ايدي مندي
جنبك اخوك ينسى انه افندي...... عصبه من ابوك والأهل تدي
وانا شفت كتير غرايب ..............زمان واعجب م العجايب
شعر الأستاذ/محمود القطوعي..وكل عام وانتم جميعا بالخير..
ليست هناك تعليقات:
إرسال تعليق