البوم الذكريات
للشاعر السيد الشهاوي
زارني طيفك الليله دي ياحبيبي ودق بابي
صحي فيا ذكرياتي اللي ما غابت عن خيالي
والسنين اللي في بعدك دوبتني في نار اهاتي
في لحظه دابت ومسكت البوم ذكرياتي
*****
الصوره دي بتضمنا انت وانا وايديك في ايدي
وعيوني في عيونك تاهت وتهت انا في يوم عيدي
السهر خدنا ليلتها نسينا كل السهرانين
والقمر نور ساعتها وذاد ضياه للعاشقين
والناس كتير كانوا هنا والله ما كنا داريانين
والسما اللي الناس شافوها ويعرفوها من سنين
شفتها في عيونك انت الشوق ماليها والحنين
صور كتير وذكريات بتقول حياتك هي حياتي
والورده دي بين الصور وف وسط البوم ذكرياتي
أسألها راح فين عطرها ؟
وعطرك انت لسه فيها
ياللي غرامك اصله حكايه
بيحكوا ويحلفوا بيها
ليالي العمر تضحك لي
بضحكه انت تجود بيها
وانسا في هواك كل الدنيا
ودنيتنا اعيش فيها
*****
ذكرياتي معاك زمان خدتني
من زماني ومن مكاني
رجعتني لحلم عمري
عمري كله اعيشه تاني
السيد الشهاوي
ليست هناك تعليقات:
إرسال تعليق