صراع الاغبياء/بقلم الشاعر المبدع /محمد جمال فايد

......................  صراع الأغبياء.......................

................................................................

ليه الصراع على المناصب والكراسى

.....................رغم إنها زايلة وعمرها  ماتدوم

..ولو دامت لغيركم ماوصلت 

..........................إليكم  لحد ما القيامة تقوم

ولا دايم إلا خالق  الخلق 

..........................الواحد الاحد الماجد القيوم

والكرسى ثابت مكانه وإللى ينوله

...............يجلس عليه فترة أو فترتين ويقوم

وييجى غيره يستلم منه

....................مشاكل من سنين متلتلةوهموم

ويطوف حواليه أهل النفاق

.................كأنه قمر فى السما تزفه فيهانجوم

ويغرقوه فى بحر الغرور فلا يظهر 

..................على السطح ولا بعد الغرق بيعوم

ومن بعد صفاء النفس  وهدوئها

.................يغطيها ظلام دامس ونكد وغيوم

ويبات يعانى من الفكر والنقد 

.................... إللى نازل عليه والحسد بالكوم

وأصحاب المصالح تجرى وراه

......................وتلف حواليه ليل نهار وتحوم

وإن ملباش طلباتهم ياويله من

...............وصفهم له بالطالح الفاشل المذموم

ويقولوا لا كان يصلح يكون

.......................... إمام ولا ينفع كمان مأموم

ويعلنوها عليه حرب كلام

...................بألسنة كلها خبث ودهاء وسموم 

ويبقى صاحب حق ومن خوفه

................... على الكرسى يقعد عليه مكتوم

ولأن وصوله بالمحسوبية جعله 

...........بقانون رد الجميل إللى وصله محكوم

لازم يحفظ معاليك وسعادتك

............... ومعلوم ياباشاوالله العظيم معلوم

وكلام سعاتك أوامر وتنفيذ الأمر

..............فورا علشان حضرتك يابيه محسوم

وكل إللى تبعك وينتسبلك

.................ياغالى المقام  دايما عندنا مكروم

وبعدما تنتهى مدته لا حمد ولاجميلة

.....ولاكلمة حلوة فى حقه ولا فاتحة للمرحوم

فيا ميت ندامة على عاشق لكرسى ظلم 

...غيره عشان غيره ومخافشى دعوة المظلوم

......................مع تحيات...............................

...............جمهورية مصر العربية.....................

..........كفر شبرا زنجى الباجور منوفية...........