أغنية...كتاب عمري
كتاب عمري...
صفحات و صفحات و صفحات...
قطعت انا منه...
كل الصفحات...
و ما فضلش منه...
غير الجلده...
و مكتوب عليها اسمي...
و شوية اهات...
كان فيه صفحة امال...
و دي كانت في بداية عمري...
بعدها صفحة هجر من حبيبتي...
و صفحه تانيه فيها تجني من بلدي...
خلتني علي الغربه...
اجري و اجري و اجري...
و اروح لبلاد غريبه...
عرفو هم ليا قدري...
و كلها صفحات من سنين عمري...
عدت عليا بالانكسارات...
و معاهم همي...
قال يعني هو ده البهارات...
اللي لأيامي ح تحلي...
و امال رسمها ليا عقلي...
حفظتها انا في باطن عقلي...
ما انا ح احققها لما يجي وقتي...
و اخد شهادتي...
و علي طول خاب ظني...
و ضاعت سنين دراستي...
و كل يوم عليا بيعدي...
فيه العمر بيجري...
و بيمحي كل حروف حلمي...
ده حتي سطورها و الكلمات...
اللي ماليها و كتبها ليا قدري...
و لا بان ليها اي اثر مع بزوغ فجري...
امد بقي ايدي اقطعها...
و لا استني نصيبي و قدري...
و لحظة يأس غابت شمس...
بقرصها من وشي...
و من يومها و لا طل عليا فجر...
في باقي عمري...
اتمدت ايدي و قطعت الصفحه...
و عشت اندم...
علي اللي بنيته انا بخيبت ظني...
ده المثل بيقول...
انت تريد و انا اريد و ربك يفعل ما يريد...
و عرفت بنفسي...
بعد مشوار طويل...
قضيته انا في وهمي...
نسبة الشر أذا كانت قليله في نفسي...
و لكنها منتشره قوي في كل انحاء بلدي...
و صفحه تانيه جاتلي فيها حبيبتي...
و مسكت بالالم اللي في قلبي...
و رسمت بيه قصور على رمال وجدي...
ح نعيش فيها و هي هنا جانبي...
و غرق كل لده...
في بحور ألأحلام...
من غير مانا أدري...
و هي لسه بتقولي...
هنا ح نعيش...
و هنا ح تاخدني بالاحضان تملي...
و في عيونها...
ح تشيلني و تشيلني و تشيلني...
في الباقي من عمري...
و تفتحلي احضنها...
علشان اداري فيها انا...
دموعي و المي...
رد لسان حالي...
و قولتلها يا حبيبتي....
قلبك ده دليلي و بحري...
و عيونك هي فناري...
تنور في الضلمه طريقي...
لاجل ما تتوه دفتي و مركبي من يدي...
بين شوطئان حنيني و حبي...
فا اشوف ضباب و لا احلامي تظهرلي...
و في اخر عمري افتكرت الشاعر اللي قالي...
بلدي و ان جارت عليا فهي عزيزه...
و اهلي و ان ضنو عليا فا هم كرامو...
و انا و لا شوفت عزيزه في بلدي...
و لا ذوقت طعم الفرحه بين اهلي...
فا اعمل ايه مسكت كتاب عمري...
كتاب عمري...
صفحات و صفحات و صفحات...
قطعت انا منه...
كل الصفحات...
ما فضلش منه...
غير الجلده...
و مكتوب عليها اسمي...
و شوية اهات...
هو ده كتاب عمري...
و هي دي صورتي😢...
مع تحيات شاعر الوجدان الشاعر السكندري / علي الطاووس 😢
ليست هناك تعليقات:
إرسال تعليق