بالطول والعرض
****
بالطول والعرض عايشها
وقلبي مفتوح للخلايق
بعشق روح البساطه
والكون معايا مش فارق
تكرهني الحياه مايهمنيش
لابزعل منها ولا بتضايق
هبعد عن حضن احزاني
وبجراحي عمري ماهوافق
بدل ماتلعب بيا الدنيا
هضحك عليها واتحادق
حالف لاانسى الوجع
واعيش ببال رايق
ارمي همومي ورايا
واصبح منها فايق
البس توب الغندره
وامشي في الدنيا اتعايق
وعجبي
رباعيات/ وائل الباش كاتب
ليست هناك تعليقات:
إرسال تعليق