🌹السـيرة الطـيبـة🌹
_➖➖➖➖➖_
والله طـول غيابـه
ومـن بعـــد ما راح
والزمن سقيني بعذابه
كنـت لمـا بشـــوفه قدام عنيـآ
تحلي وتـروق أوي الست دنيــآ
بـس من بعده دقت أنا القسيــة
مهـوا أصله كان كـل إللي ليــآ
وكان يقول أفـرح يـواد
الزعل ملهوش لـزوم
كان بيشـيل عني الهموم
كان يقـولي ربـك رب قلــوب
ومفيـش ولآ شـئ في الدنيا بيدوم
كان تملي يقـولي عيـش
نفسي يـواد تبقى ظابط جيـش
الأيام يابني مبتواسيش
خلـيك وتـد ولآ تنحنــيش
أنـت الأمـل إللي عشانه بعيـش
كنـــت دايماً بشوفه كتلة سعادة
مهمـا قلت صدقوني مهوصفوش
حـاجه كـده ملهــاش إعــادة
كـان لمآ يمشي في الشارع
يغرق الخـلق طيــبة وسعادة
كان حنين جـداً وبزيادة
وكـنت لمآ قـوله ده تبـذيـر
يقولي أسكـت يـواد منتش خبير
دي تجـاره وديمـاً فيهآ خيــر
ولـو كـان يغنــي الصـوت يجــود
وكـل إللي يسمع يطلب إعادة
معقولة رحل ومعدلوش وجود
بس فـاضله
فـاضله سيرته الطيبـه
زي عنبـر أو حتى عــود
كـان صـديق الإبتسامة
كان رقيق زي اليمامة
كـان في كـل بيــت
وكـل شارع يسيب علامة
كـان بجد رفيق السـلامــة
لـو حتـى كـان يتعصب حبتين
يـرجع ويداوي الجرح في ثانيتين
بجــد كــان جــوه منه كنـز
كـان بجــد شـئ ثمــين
كان مــلاك وسط البني أدميـن
كـان أسمه ( السيد إبـراهيـم )
كان بجــد إنسـان عظـيم
بدعي دايمـاً يرحمـه رب العالمين
وأنـي أشوفه فـي جنـة النعيــم
هـوا فعـلاً كـان مستقـيم
عمره ما كـان بينسـي
فـرض أو حتـي سُنـٓــةْ
غـايبـك والله طــال
والقلب من بعدك حزين
واليوم بيعدي زي السنيـن
كـان فعلاً إنسان جميل
كــان حنين كـان أميـن
وللنهارده بسمع هوا مين
وكـنت لمآ أعمـل شيء رزين
الناس يشوروا ويـقولوا
أبنـه وفيه نفس الطباع
واللي خلف لساه مماتش
كـل إللي كـانوا يعرفـوه
بيشوروا عليا ويقولوا
الواد ده نفس الصوره مـنْ أبـوه
مع إني بتمنى ليومنا ده
أبقي حتى ربع اللي بيوصفوه
#عمــرو_السيــد إبـراهيـــم
25/11/2019
➖➖➖➖➖➖➖➖➖➖
رحمــك الله يا أبي
وأسكنك فسيح جناته
كنت بالنسبة لـي الحياة
ومن بعدك لم تعـد لهآ طعم
ولكـنِ كما علمتني لآ أقول
إلآ مـآ يرضـي الله ورسوله
إن لله وإن إلــيه رآجعــون
ليست هناك تعليقات:
إرسال تعليق