ياللي ما صعبتش عليك
غنوه : الشاعر السيد الشهاوي
بعد ما ضاع العمر في بعدك
جاي لسه تقول باحبك
فكرتني والله بزمان
واللي كان بينا وكان
لما كنا صغيرين
اخدتني مني بسمتك
رقتك....وضحكتك
كانت بتسبق ياحبيبتي
خطوتك
وعيونك الحلوين
والورد في خدودك
بالف والف لون
دوبتني يومها في هواك
بنظره واحده من عنيك
وذي عصفور في الجنه
كانت تنام ايدي في ايديك
وشفت الدنيا لاول مره
نشوانه بترقص حواليك
★★★★
وصحينا في ليله...علي بعادك
وهجرك لينا وبعادك
وسنين عشتها انا في غيابك
مابين وجدي واوهامي
ياما اتمنيتك ...طيف
طيف يزورني في احلامي
وضاع عمري وشاب شعري
مستني يوم قلبك
يناديك
واتارينا لعبه بايديك
باسالك
هو احنا ما صعبناش
عليك
★★★★
وجاي لسه تقول باحبك
عملت ايه الدنيا فيك
لسه شايفك ذى ماانت
الايام بتغير فينا
وانت انت ياحبيبتي
برقتك. ..ببسمتك
ذي زمان و يمكن احلا
اتعذبت صحيح في فراقنا ؟
صدقني....مش باين عليك
★★★★
انا دلوقتي باقولك ابعد
غصب عني باقولك ابعد
قلبي في بعدك ما بقاش
قلبي
عرف ازاي يتعلم غدرك
وانا خايف ياحبيبي
لاخدك في حضني
واسهرك
والوعك
واحيرك
ما انا اصلي ما صعبتش عليك
كلمات
السيد الشهاوي
عليك
ليست هناك تعليقات:
إرسال تعليق