خوفي عليك بالدرجة المغربية
خوفي عليك يا بنت الناس
خليتي ليدارك تاج فوق الراس
تزوجتي واحد ردك على عائلتو عساس
تشوفيه مرتين فالعام بحال البزناس
هو عسكري وانا غير عساس
خوفي عليك يا القلب الغذار
بغيتك ونويتك مولات الدار
حقيقتك كشفها ربي الجبار
قلبك طماع ويبغي غير الدولار
خوفي عليك يا قرة العيان
نهار فرحك اصبح كله احزان
مشا الضو بمشيئة الحنان
رجعتي حديث كل لسان
مرانيش نتشفى ولا شمتان
لكن يقال كما تدين تدان
خوفي عليك يا بنت الناس
يجي يوم وتندم على ليبغاك
حيث تبعتي ليطمعك وغواك
انا شاب وهو فعمر باباك
خوفي عليك يا بنت الانساب
غدا يخليك حيث مبقيتيش شباب
اولا تخليه حيت رجع من الشياب
مسكين مريض اولا فيه الاعصاب
خوفي عليك يا بنت الناس
غدا يولي متقاعد ونتي عليه عساس
هذا سكار وهذا قلب وهذا بنكرياس
ماشي شمتان ولكن خايف ابنت الناس
خوفي عليك يا بنت الناس
نادية هاشمي
ليست هناك تعليقات:
إرسال تعليق