حنين (٢)
مجموعة شعرية
(١١)
حبيبى
حبيبي لذه ورقه وخفه
ودلال وجمال
قمر منور بدر التمام
وصدق من قال
دا كل حته فى حبيبي
محتاجه موال
عيونهه جريئه وغريقه
للغرام مرسال
وشعر اسود ناعم حرير
للحليوه شال
وورد جورى على الخدود
قلبى له مال
وشامه زانت خده سحرها
زاده جمال
وصوته زقزقت عصافير
وضحكته موال
وقد مياس دا غصن بان
حبيبي غزال
حبيبي برقيه كل يوم من
عين العزال
عرفتوا ليه حبيته وعشقته
وقلبى مال
(٢)
تتصورى
تتصوري لما بسمعك بنسي
الالم وانسي الاسى
روحى بيسعدها لقاكى وقلبى
يزيد دقته لآخر مدى
بحس حبانى الاماكن متزينه
ومتبسمه ده ليه جرى
وكل القساوه اللى فى عمرى
يا حياتى بتتنسي
العمر قبلك كان ضياع انا
عمرى وياكى ابتدي
بدات صفحه جديده خالص
كل اللى فات انتهى
وفتحت ايدى حضنت كل
دنيتي وفرحى بدى
سبحانه جمع بين قلوبنا بأمره
وفق ما بينها وهدى
(٣)
بلبل صداح
حبيبي صوته بلبل صداح
بيحسسنى أن الدنيا براح
أما ضحكته سعد وافراح
بتنسينى همومى والاتراح
صباحه ياناس احلى صباح
لوغاب عنى اسأل فين راح
لوشفت عينيه قلبى بيرتاح
هوالبسمه والبهجه والافراح
(٤)
هو فى حد فى حلاوتك
هو فيه حد فى حلاوتك
ولا فىه حد فى جمالك
ولا فيه حد فى غلاوتك
قلبى حب فيك دلالك
الحنان والطيبه طبعك
منحرمش انا من سؤالك
دنيتى بيحليها قربك الهنا
والسعاده فى وصالك
يا ملاك نسانى قربك غدر
الزمن وعشت فى امانك
العيون عشقت ملامحك
يا جميل و الحسن زانك
(٥)
لما زمانى
لما زمانى ضحك وراق
وحب يصفالى
صالحنى بلقياك لأجل
ينسي احزانى
وزاد شعور ى بالأمان
والعيشه تهنالى
خلتنى احب الحياه
والفرحه من تانى
شمعه بتنور حياتى
تسلم لى يا غالى
بقيت حياتى وروحي
وحبى و امالى
(٦)
كنت فاكر
انا كنت فاكر أن قلبى
تاب وقفل دكانه
وكفاه عذاب الغرام
وعاش فى احزانه
لكن لما قابلتك و شوفتك
دق من تانى
ملكتى روحى وقلبى
وكل جدانى
(٧)
منحرمش العمر
منحرمش العمر منك
يالى نورت حياتى
نسمه بارده فى حر
صيفى وحضن دافى
بيلازمنى طيفك زى
ضلى وفى منامى
نفسى اقابلك كل يوم
و اشوفك يوماتي
(٨)
اضحك حبيبي
لما بتضحك بتزغرد ضحكتك
بتلون الكون بميت لون
بتغنى وتجلجل وتزلزل كيانى
ويزول الهم مهما يكون
اضحك وعلى ضحكتك بتحلى
ايامى والصعب بيهون
اضحك هطير من الفرح فوق
ف العلالى واكون ممنون
(٩)
سلمى للحب
سلمى للحب يا حبيبتي
وامضى وابصمى
للهوى سلطان لا راد
لحكمه وامره سلمى
هو كان الحب جريمه
خايفه منها اتكلمى
ليه لقلبك تجرحي وتالمى
ولحبيبك تظلمى
لو تخافى من الحب
وتصدى بعدها تتالمى
الهوى بيزونا مره واحده
لو ضاع تتندمى
(١٠)
واجهنى
مش قادر تواجهنى ليه
تهرب من حبي
هو الحب جريمه طب
ليه تعذب قلبى
ليه تبعد متقرب منى عايزك
عالطول جنبى
الحب لا كان بايدنا ولا
ذنبك ولا ذنبى
عمرى ابتدى بلقاك ياريت
تفضل قربى
مالنا ومال الناس انت
رفيقي فى دربى
(١١)
عينى فى عينك
عينى فى عينك واسكتى
وبلاش كلام
اصل العيون يا حبيبتي
مرسال الغرام
ينوبوا عنك ويعبروا فى
العتاب والملام
دا نظره من عينك الجميله
تنهى الخصام
ويزول اى خلاف ما بينا
ويحل الوئام
سحر عيونك أمضى من
نصل الحسام
الشاعر/ عبد المنعم حمدي رضوان
(طعم تانى)
ليست هناك تعليقات:
إرسال تعليق