تحية أجلال وتقدير للمرأة العامله
،بنت ريفيه،
وانا طالع فى الفجريه
وبقول ياصباح فتاح
فى طريقى شفت أ بنيه
أبوها راجل فلاح
فى اليد ماسكه طوريه،فاس،
وبتقول للأرض فلاح
وقفت ورميت التحيه
ياصباح الخير يا صباح
ألاسم أيه ياصبيه
قالتلي إلا سم سماح
مصريه لاكن عصريه
فلاحه وأبوى فلاح
بالعزم سواعدى قويه
مالطير يالزمله جناح
ورزقى ورزقه ع الله
والخير دايما طراح
أناقولت ألحلم شويه
أناقلبى ليك أرتاح
قالتلي مش من توبى
ومش كل الطير صداح
ألجهل كل عيوبى
وطريقك كله نجاح
روح والقلب دعيلك
وصباحك أحلى صباح.
بقلم،أشرف القاضى
ليست هناك تعليقات:
إرسال تعليق