خليني احبك
كلمات
السيد الشهاوي
ويجري العمر يوم ورا يوم
ودنيا الناس بتتغير
لا احلام الصبا بتدوم
ولا قلبي بيتغير
بتلعب بينا ايامنا وانا
عايش في اوهامي
لا عمري في هواك عمري
ولا الايام دي ايامي
#####
عشقت في عيونك حاجات
الزمان كان نسهاني
الفرح ويا الجرح والذكريات
رجعت احلم بيها تاني
يا احلا احلا ايامي
لفين واخداني احلامي
دا العمر ضاع مني في بعدك
وفجر عمرك قدامي
هان جرحي لولا دمع عيونك
هو اللي ذود آلامي
#####
انا قبل ما اقابلك ياحبيبي
كان ليه مع الحب حكايه
عشت فيها عمري كله
كانت البدايه هي والنهايه
انا الماضي اللي عايش فيه
عشقت صمته وسكونه
انا الخريف بطول لياله
اللي الزمان غير لونه
وانت الربيع اللي اتمناه
وانت الهوي بكل جنونه
######
خليني احبك يا عمر عمري
خليني احبك وما تحبنيش
وسبني وحدي اغرق في حبي
وسبني اغرق خليني اعيش
دا الموت في حبك حياه
اتمني اعيش فيها
واهيم مع الذكريات
اللي انت ناسيها
امسك بايدي النجوم
واحضن لياليها
ليست هناك تعليقات:
إرسال تعليق