همسة عتاب
بقلم د/ حنان إسماعيل
أعذرنى ياجدع فى إنى ماصدقكشِ
قلبك صافى..ومن فضة
لا اتوجع ولا انكوى ولا اتظلمشِ
بس أنا برضه معذورة
قلبى صادف كتير وماترحمشِ
إللى خان واللى كذب ..واللى حتى مارحمشِ
واللى اديته عمرى كله ..لكن ماطمرشِ
واللى عشقته بكل جوارحى.. ولا شافشِ
ويادوب سابولى هيكل.. لا إحساس ولا شرايين ...مابيشتغلشِ
بتقولى سيبى قلبك ليا
وخليكى واثقة إنى عمرى ما هوجعك..
مش ذنبى إنى غيرى ماقدرشِ
إنت ملكة وهاتزينى عرشى
إنت بس آمنى بيا ..وأنا عمرى ماهتخلى عنك
قولتله طب سيبنى أفكر..سيبنى أفكر
والأيام كفيلة تداوى جراحى دِيا
خلينى أشوف الحب فى عيونك
خلينى أحس بخوفك وقلقك عليا
خلينى أحسن بنبض قلبك
خلينى أغير صورة العالم في عينيا
خلينى أحس إنى واحدة تانية
وشيل كل الشك والظنون اللى فيا
ساعتها بس هسلملك قلبى وروحى وعينيا
#حنان اسماعيل#
ليست هناك تعليقات:
إرسال تعليق