ماحناش ناقصين
**********
ان قالو الميه هتتصادر
وتروح اسوان
وشبابنا الناضر يتعلق
زى الحيوان
علشان بيقاوح وينادى
بحق الانسان
يبقى انت معادى وارهابى
ومن الاخوان
أنا بعشق بلدي عشان بلدى
وماهيش م الصين
بوشوش منفوخة وشلضومه
وعينين عامصين
عيشها وبنزينها وتسليحها
دايما ناقصين
وان قالو الميه هاتترشح
بنقوم جايين
بصاجاتنا ف ايدنا وطبلتنها
ونروح راقصين
**********
لو شوفت الصايع والضايع
راكب حنطور
حواليك بعساكر وبنادق
داير مايدور
والعدل بيقلع وبيلبس
عمه وطرطور
يبقى انت اللى قتلت بابايا
ودمك مهدور
أنا بعشق بلدي عشان بلدى
وماهيش م الصين
بوشوش منفوخة وشلضومه
وعينين عامصين
عيشها وبنزينها وتسليحها
دايما ناقصين
وان قالو الميه هاتترشح
بنقوم جايين
بصاجاتنا ف ايدنا وطبلتنها
ونروح راقصين
********
لو شوفت الطلبه بتتشعبط
وتنط السور
والبانجو بيعجن ويبطط
لينا الدستور
وسعيرس قاعد وابو دومه
مع حزب الزور
يبقى انت من الطبقه الدونيا
قوم ياللا وغور
أنا بعشق بلدي عشان بلدى
وماهيش م الصين
بوشوش منفوخة وشلضومه
وعينين عامصين
عيشها وبنزينها وتسليحها
دايما ناقصين
وان قالو الميه هاتترشح
بنقوم جايين
بصاجاتنا ف ايدنا وطبلتنها
ونروح راقصين
قوم يالله يا خويا انتا وهوا
ماحناش ناقصين
يقولولنا تجمهر وتظاهر
ونروح لابسين
التهمه اياها ونتعلق
احنا اللتنين
انا بعشق بلدى عشان بلدى
وماهيش م الصين
وسلامو عليكو
تحياتى ياللا ياوحشين
@@@@@
محمد العمراني
ليست هناك تعليقات:
إرسال تعليق