شعر غنائى
كلمات الشاعر رزق جادو
إبعدي ماتقربيش
إبعدي ماتقربيش فيا تاني ماتفكريش
من اللي شفته نسيت هواكي
والأمل أصبح ماليش
إبعدي ماتقربيش فيا تاني ماتفكريش
إبعدي عن أي قلب
عاش حلاوة حب قبلك
لو في قلبك لسة حب
يبقى حبي جوة قلبك
إبعدي ماتقربيش فيا تاني ماتفكريش
كنت بسقيك بإيديا
المحبة حبة حبة
وانتي تسقيني الأسية
وكنت فاكر دي محبة
ابعدي ماتقربيش فيا تاني ماتفكريش
مش هاسمحك صدقيني
لو رجعتي تجرحيني
إوعي تنسى إوعديني
من النهارده ماتجرحيش
إبعدي ماتقربيش فيا تاني ماتفكريش
كلمات الشاعر رزق جادو
ليست هناك تعليقات:
إرسال تعليق