الله غالب
هو دا المكتوب يا غالي
نبتدي الحب الخيالي
ننسى أن هناك فوارق
فنبتدي بإيدنا المعارك
رغم ان نهايته باينة
والحياة بطباعها خاينة
واللي خضت عشانه حربك
أول الناس اللي حاربك
فتشرب الغدر اللي شاربك
لما تعرف إنه خاين
هي دنيا وحظ باين
ناس تصون وألف خاين
واللي جبته وقلت عاين
محتاج اللي يا ناس يعينه
حب بس بلاش تعافر
اللي خان الحب كافر
واللي سابك يوم عذابك
بكرة يندم لو تسافر
بكرة دمعه يملا عينه
وبالمرار هيسد دينه
كل غلطة وكل ذنب
جايله وقته وجايله حينه
واللي مكتوب فوق جبينه
لابد يوم هتشوفه عينه
ع الحياة دي الله غالب
دنيا مليانة بتعالب
لو هتغفل عنها يوم
تنغرس في قفاك مخالب
الله غالب ع الحياة دي
وع الحياة دي الله غالب
----------------------------
#علي عفيفي
ليست هناك تعليقات:
إرسال تعليق