(( راح يهون ))
بقلمي / عصام حسيني السيد مدين
...............................................
لَـو هَــمـوت مِيــت ألـف مُـــوتة راح يِــهـون
روحي أولادي و شَقايا دول فِـداكي و العيون
يــا حبيبتي يــا للي حُـــبــك فِــيـه جـنـون
مُستحيل يا بلادي تبكي تنحني فيكي الغِصون
ابنـك العشقان مِعافر كَي تَكوني كي يَكون
جُندك الواقف يحـارب عَ الحـدود
و اللي بيعَـلِم ولادك فـي العهـود
و اللي بيصنَع بُنـاكي للـوجــود
و اللي طول العُمر يزرع في الورود
و اللي متعاهد يحقق في الــوعـود
ضَمتك في الحضن بلسم و الغطا تحت الجفون
....................................................
مَـصر يا مَـهـد الأصالــة و الحضارة و الإيمـان
مَـصر يا عِلــم و مـنـارة للمحــبَة و الأمــان
مصر يا حُضن الطيابـة و السواقي و الغِيـطان
مصر يا شَعب البشاشة و الـرحـابة بالجـيران
مصر يا شعب الكرامة و الرجولة في كُل آن
كُل أولادك فداكي و بغرامك مُـغرمـون
.............................................
تحت رايتِك إيدهُم الشغالة نور
إيد تحارب إيد بتبني في القصور
خلف ريسهم يِعَلوا دور في دور
لـمـا بَـصلهُـم نــاداهُـم للحضـور
قاموا زي الريح يعادوا كُل سور
قـالـوا يا ريسنا عَهدَك راح نِصون
إنت عاشق مَصر و إحنا برضه زيك عاشقون
.....................................................
لما قال السيسي ياللا مِدوا إيدكُم بالسـلام
ابنوا فيهـا و زينوهــا بالعَرق مِـش بالكـلام
مَصر تستاهل تَعبنا و احضنوها ع الـــدوام
أُمِـنا الغالية العظيمة أرضنا مَـهـد الـكِرام
البطل قاد المسيرة و إحنا وياه صامدون
............................................................
بقلمي / عصام حسيني السيد مدين
الاثنين الموافق 4 / 3 / 2019 م .
أشمون ـ منوفية ـ مصر المحروسة
ليست هناك تعليقات:
إرسال تعليق