همسة صبح
طلعنا مالصبح بكير
نتمشا ع ضيعتنا
شو حلوي المشيه بكير
والعصفوره ..شافتنا
وفرحت وزقزقت كتير
وصارت تغازل طفلتنا
وعملت جنا حا منديل
وتحت جنا حا مشتنا
مشينا عا مفرق طويل
وشمس الصبح لحقتنا
وقالت طفوا القناديل
ونورا بارك ...خطوتنا
وصلنا عا أرض الدار
والياسمينه ..لمحتنا
نادت لجدي الختيار
الحبايب...زارتنا
سمعنا غناني واشعار
وحكايا صارت تذكار
وقال محلاكن يا صغار
وايدو السمره لفتنا
أنا وخيي جميل
عا لتينات تسابقنا
وقطفنا كواز التين
وما لحلاوه تشردقنا
نزلنا حا كورة الجيران
وحبات التوت سرقنا
وصارت العجوز تو لول
وحملت عصا ولاقتنا
صباحكم فل وياسمين
بقلم اديب حاج حمود
ليست هناك تعليقات:
إرسال تعليق