( يارتني مااتمنيت ) ..
في وقت من الاوقات ..
اتمنيت ..
امنية من زمن وفات
لما كنت اشوف حالي
مايعجبنيش .
بقيت اتمنى الايام تعدي بسرعة عشان الحال
يتغير ويصبح عال..
واوصل لكل الامال..
طالما حالي واقف زي السد ..
كأنه معاندني وحالف انه مايعيدنيش
وفي مرة .. لقيت الدنيا لفت بيا..
روحت بربشت بعنيا
في غفلة ..اقل من ثانيه بصيت حواليا
لقيت عمري جري ... واتسرق من بين ايديا
وعنيا مغمضه وهما مفتحين ..؟
مابقتش عارف انا حاضر ولا غايب من سنين..
مايكنش انا جوه حلم
او كابوس طابق على
قلبي .. من تقل الغم ..
وكتر ..الهم
طب مين انا .؟ وكان مالها احوالي بتاعت زمان..
داير .. في كل مكان
ادور وانده عليها..
تايه من نفسي وتايها مني الايام ..
يا مين يلاقيها...
استاهل ما اهو انا الي افتريت...
على حالي اتبطرت وبنصيبي مارضيت..
كان .. مالي انا ومال القصور .. و التمني ولا الوصول ...
وادي اخرت ما جنيت
بتمنى لو ماكنش دا..انا
و ياريتني ماكنتش اتمنيت..
فاجأه ولقتني بغرق في وسط مايه
مالتلي عنيا والرؤيه مش واضحه ليا...
اعافر وبحاول وصراع وياه ألم
وفي ثواني إتفاجأت من تاني
.لقيت الناس ملمومه عليا بتفوق فيا
واتاري الي كان مغرقني
دموع وفيضان الندم
و.. يارتني ما اتمنيت. ..
.
.
.
.
بقلم: الشاعر:محمد كامل يحي
( جمهورية مصر العربية )
ليست هناك تعليقات:
إرسال تعليق