شكراً جزيلاً أستاذنا ونبراسنا الغالي .. الشاعر فؤاد حجاج
لتواضعك الراقي النبيل للموافقة على النشر
مجاراة لبعض شطرات إفتتاحية رائعته ( حبة عشم )
.........................................
إفتتاحية/ حبة عشم في المحروسة
للشاعر/ فؤاد حجَّـاج
أحلف بنور الشمس في الصبحيَّــة
ونسمة صافية تفوت مع العصريـة
إن النهار الجاي مش حايعــوَّق
والغنوة ترجع للقلوب مصريــة
مهو إحنا إحنا اللي بنينا الهــرم
في صباحنا رحنا قبل كل الأمم
والسد قام عالي بعزم الهــمم
ياعزم فينك والضمير والنية
ينادينا صوتك في الصعاب يلاقينا
جينا وفوق ضهر المحن عدِّينـا
ضمينا في حضنك بقى ودفِّينـا
خلينا مانخافشي السنين الجاية
..........................................
............. عمنا فؤاد حجاج .............
....................................................
الخال أبنودي راح وكان سراج وهاج
والعم نور وضاح ، عمنا فؤاد حجاج
قوم يامصري مانيش محتاج حبة عشم
عزمك مناره واترسم على روسنا تاج
( لما ناديت لنور الشمس في الصبحيه )
حلفت لاعمل روحي جسر ومعديه
واعدي طيبه الأمينه لبر .... أمان
واغزل لها الفستان واشوفها أحلى صبيه
( هو احنا إحنا اللي بنينا الهرم )
صوتك ياعم فؤاد كسيل ...... عرم
صوتك دعا لم الحمام ..... تواشيح
صوتك كما التسبيح يصحى الهمم
( والغنوه ترجع للقلوب مصريه )
وبهيه بدري تصحى ...... م الفجريه
تخبز عجينها للبنات ........ فرحه
تغزل لهم طرحه وتيجي ... متحنيه
( ياعزم فينك .... والضمير والنيه )
سقسق شراقى الغيطان واملاها حنيه
وزيد حنانك كمان عبى .... المراوي
يعلى صوت الغناوي ف عشقها هيه
( ونسمه صافيه تفوت مع العصريه )
وبلدنا ع الترعه قاعده ..... ومستنيه
يجي الولد ويطوف والحنه تملى كفوف
يكتب هواها حروف ع التوته والغيه
( جينا فوق ضهر المحن عدينا )
والحرف منك وطن حاضن غناوينا
لابسين مرايلنا ، جايين حداك نتلم
من بحر جودك ياعم ، إفتح ووضينا
من بحر جودك ياعم ، إفتح ووضينا
......................................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق