علي فكره كلامهم مش صحيح
وبلاش تسمعي
بيقولوا كلام كتير تجريح
بس انتي اتمهلي
قبل القرار افتكري اللي صار
ولا اندم ولا تندمي
لو فيه كلمه في كلامهم صحيح
لقلبك اسالي
حد قلك اني سهرت الليالي
حد قلك ان اسمك عندي غالي
حدقلك انك فرحتي ودنيتي
حد قلك كلمه وحده حلوه عني
كلهم بيقولوا انك واني
عاوزين يبعدونا ويطلعوكي مني
بس ازاي دانا باحس بيكي وبتحسي
قبل الالم ماييجي فيكي اوحتي تأني
لو انيتي يبقي نزف جرحي وبياكولني
ومع ابتسامتك فرح الدنيا بيحضني
حد قلك ان قلبي عنك ديما بيسألني
حد قلك اني ديما مشغول بيكي
حد قلك اني من صغري بادور عليكي
حد قلك ان الدنيا كلها باشوفها في عنيكي
حد قلك اد الكون ده كله حبيته ليكي
مش ح يقولولك كلمه وحده حلوه عني
الناس دي مايعرفوش معني الحب
ولا قلبي فيكي ولا فيي منك قلب
الناس دول حاقده مابتحبش
ماتعرفشي تحب ولا عاوزين الناس تتحب
ح يقولولك دكان بيحب قبلك
وامبارح شيفينه مع بنت خالتك
وبكره له ميعاد مع الساحره بنت عمك
ح يقولولك بيجري يمسك ويبوس اديكي
ح يقولوا ح يسبلك عنيه وياما ح تشوف عنيكي
ح يقولولك بيمثل لهفته وخوفه عليكي
ماتسمعيش ارجوكي ماتسمعيش
انا باسالك وبالحلفك حسيتي برعشة ايديه
انا باشهدك شوفتي ايه جوه في عنيه
ماتسمعيش مجرد سماعك ليهم ماتسمعيش
وخدي مني انا من غيرك اقسمت ماعيش
لوكنت انا ميه انتي شطأن حنيه ماتسمعيش
لو في يوم كان طوفان وفضت
فين راح حبك وصبرك عليي
طب اقولك صورتك اقسملك في قلبي ماتتمحيش
طب اقولك قبل وجودي ووجودك تصدقي
كانوا بيتنبئوا بقصة حب جايه ماتتحكيش
وعدي الزمان والدهر لف لفته عشنا مايقدرشي مايجيش
جه الزمان عشنا عشان نعلم كل عاشق عاوز يعيش
باحكي كلامي بلسانك ولا باسمعشي زيي ماتسمعيش
وباوزع للناس من حنانك ولا باخبيش
ودموعي اللي بتنزل علي خدك سبيها ماتمسحيش
غاليه علي زي الشهد اشرب منه ولا ارتويش
حد قلك انك ديما في بالي
اوعي تبيعي العمر اللي فات
وحبي ليكي واجمل ذكريات
عشانك انتي اتحملت الصعاب
واكتر لو كان لسه فيه عذاب
انا باحبك ولساني بينطقها فصيح
لوحد قلك اني نسيتك
اسالي قلبك كم حبيتك
اد حب كل العاسقين
بيشفي قلبي الجريح
ماقالوش اني عملت طيروطار فالسما
عشان اجبلك معايا كل الهنا
وايه قالوا كمان علي
لوصدقتي يبقي كلامهم صحيح
ماقالوش انك منايا انا
قالوا تاني ايه علي
الكلام ده ازاي تصدقيه
واللي بيتمني رضاكي
عشان كلامهم بتبيعيه
خالفي كلامهم احنادايبيين
صدقيهم لو قالولك
ماشي بروحك وبعيونك
صدقيهم لو قالولك
تهون روحي واصونك
صدقيهم لما يقولوا سهران عشانك الليل بطوله
صدقيهم لوقالوا بأقول انك اجمل من الكون بحاله
دانتي اجمل من القمر مهما ان زاد جماله
وكلامه كدا يبقي صحيح
قالوا ايه تاني عني الحاقدين
مستكترين علينا نبقي عاشقين
وغصب عن عنيهم دايبيين
في بعضنا وحبنا والحنيين
شوفي الطير فالسما
بيقول كلام همهمه
اني فيكي دايب وانتي مغرمه
دا اكتر من الحب بينا توأمه
الطير بيحوم ينام ويقوم يزقزق بكلام منغوم
اسكتي ماتقوليش
لوقولتي يبقي خلاص
حبي وحبك مافيش
ولاانا ولد وانتي ماتولدتيش
ولا الزمان جه ولا الكون يعيش
عارفه ايه اللي مخلي للكون طعم اياكي
عشان هوايا دايب ملفوف في هواكي
هو فيه فالكون حد تاني الا انا واياكي
انتي مفكره ان الشمس اللي مدفياكي
دي نار حبي ولهيبه محاوطاكي
ولا مفكره القمر ينور لخطاكي
ده اثر ضحكتي بفرحة رضاكي
لوقولتي لو صدقتي انا مش ح اندم
دكفايه اللحظه بعمر معاكي
بتقولي ايه مين دول اللي اسمع كلامهم
ولا يبقولنا ايه مايهمنيش ملامهم
كنت باقسي عليك وعارفه اللي فيك
كنت عاوزه اشوفني دمعه في عنيك
كان نفسي مره بحبي ادلل عليك
وقالتلي رغم اني عارفه عنك كتير
ومن حبك لي عملوا روايات واساطير
وكل قصايد العشق اللي اتقالت
كلمه منك ابلغ لما اتقالت
قولت باحبك كل جوارحي قالت
دايبيين فيك بنحبك مش كلمه اتقالت
د عيون ماتشوفشي الا انت
وادين تهرب ليك وقت اللمسه
واصرخ من جوايا باحبك همسه
في قلبك واسمع اسمي بين دقه ودقه
وبالصمت نقول مواويل ملياها الرقه
اصدق مين هم مين
ح يطلعوا ايه غير لايمين
فرق مابينا وبينهم
في حياتنا حتي كلامهم
احنا لينا غرامنا وهم نازين في ملامهم
عرفت انت فين من القلب
ياروح العين
ونبض القلب
فين ماتروح وخدني الحب
اللي سقتهولي من غير لعب
من اخلاصك منك من غير كدب
حاسه بهمسك دفيانه في حضنك
اسمع ايه مااسمعشي غير منك
ولا اصدقشي كلمه تتقال عنك
خليهم يقولوا عنك وعني
وانك انت وكمان قالوا اني
ليست هناك تعليقات:
إرسال تعليق