ياشمس غايبه من سنين
واخدنى لضياكى الحنين
تهلي علينا ياشمس بكره
من غيطان الفلاحين
هلى على مدن الجوامع
كترى الخير ف المزارع
دورى مكن المصانع
دورى مكن الطحين
هلى علينا من جديد
السنابل تصبح حصيد
والفرن يولع بالوقيد
يخبز رغيف المحرومين
والسواقى ترجع تدور
والميه تطلع ع الجسور
ماتخليش ولا حتة بور
وتبل ريق العطشانين
دورى عجل النوارج
دورى حجر المسارج
نشفى العرق إللى خارج
من جبين الشقيانين
هلى علينا يا شمس بكره
خلى آلامنا تبقى ذكرى
هو مين للخير ها يكره
يا شمس غايبه من سنين
مجدى زيادة.
ليست هناك تعليقات:
إرسال تعليق