افتكرى اول مره اتقابلتو فيها
فاكره.. كان رد فعله فيها ايه
النهارده أتغير كتير
طب وليه
مانتى زى مانتى برضه
ايه الجديد..
ايه اللى غير نظرة عينيه
يمكن انتى اهملتى فيه
الجواب ده عندك انتى هتلاقيه
حاولى يمكن حد تانى
غير الصوره القديمة..
كسر البرواز رماه.. اساليه
تابعى اخباره الجديده
افهمى منه حكايته
حقك انك تغيرى طبعا
حافظى على صرحك وكونى
زى شجرة كبيره جدا وضليله
ما تقوليش مش سأله فيه
بس بالعقل ياشاطره فهميه
رجعيه.. لأمس فى حدود المشاعر
حتى لو هتكونى شاعر
اسرقيه.. من حد غيرك راسم له حلم
تبقى فعلا بنت أبوكى..
لو قدرتى ترجعيه..
الشاعر محمدمحمود
ليست هناك تعليقات:
إرسال تعليق