ابعد عني
غنوه للشاعر السيد الشهاوي
قال جيت اقولك ابعد عني
وهواك ده انساه وخاصمني
ونسيت اني لما باشوفك
بانسي الدنيا ولو تظلمني
والمس ايدك.. واسمع صوتك وحاجات كده في عنيك بتاخدني
ما اعرفشي اذاي غصبن عني
قلبي يلين ودموعي تخوني
والقاني من شده حبي
باترجاك ترجع تقابلني
وقال جيت اقولك ابعد عني
من ليلتين ياحبيبي يا قلبي
سهران من ليلتين انا وحدي
افكار بتاخدني وتجيبني
في كلام لا يجيب ولا بيودي
ابك ساعات من شوقي ووجدي
وساعات هجرك ليا وصدي
وياما سهرت لوحدي ليالي
لعبت بيا في بعدك عني
وانت هناك ساكن في العالي
ولا فاكر يوم تسال عني
وقال جيت اقولك ابعد عني
دي عيوني اللي انت حبيتها
وياما سهرت تغاذل فيها
لا دموع في غيابك فارقتها
ولا طيفك فارق لياليها
ومشاعري اللي انت صححيتها
وخدودي الورد طرح فيها
ادي النار اللي انت باديتها
وفايتها لقلبي يقاسيها
مش كان قبل عنيك ما قاديتها
كنت تقوللي اذاي اطفيها
وقال جيت اقولك ابعد عني
ازاي اقولك ابعد عني
وانت هواك اقرب لي مني
وانت دنيايا باعيشها
في بعدي عنك غصب عني
وانت احلامي بنيتها في الهوي
والهوي. ....ضيعها مني
وانت عمري يحسدوني الناس عليه
حتي لو ضاع عمري مني
اوعي تصدق لو جيت اقولك
من ورا قلبي.... ابعد عني
ليست هناك تعليقات:
إرسال تعليق