محمود ألبنا...أعدام راجح
..........
ومات محمود ألبنا
ولا فرح ولاأتهنا
ولا كأنه كان بينا
فى شوارعنا
فى حتتنا فى شلتنا
فى ضحكتنا
فى لقمه قسمها يوم بينا
مات وماتت ضمايرنا
فايت ضحكته وصورته
واقفه شاهده على موته
على شهامته
على رجولته
على ألخير أللى كان طارح
فى وش اللي جاي والرايح
ضحكه وأمل عشان بكره
تشيل الحزن من أمبارح
وقف فى طريقه أهل ألشر
ومكروا مكر
فى عز ألظهر
أنا أبليس
أنا راجح
أنا ألعزوة
وألسند والضهر
ولا ناجح
ولافالح
ولا أعرف أكون زيك
أكون راجل وأكافح
أنا ألحشاش
أنا ألغشاش
أنا مسواش
أنا كل أللى أنا عايزه
باخدو بلاش
أنا أبن بابى ومامتى
أنا قانونى سكنتى
وألدنيا دي متسعناش
ومات محمود ألبنا
ولا فرح...ولا أتهنا
بأيد شيطان ماترباش
ولحن ألفرح متغناش.
...............
نسأل الله للفقيد الرحمة والمغفرة
وللأسرة ألصبر والسلوان
..... ........
ألشاعر...
أشرف ألقاضي
ليست هناك تعليقات:
إرسال تعليق