عايزني أقولك اية
عن دنيتي عن عذوتي
أمي وأخويا و خيتي
وانا من بعدهم
أنكسر ضهري
راحت دنيتي
أختفت فرحتي
كل حاجة حلوة
معاهم عشتها
طفولتي صبايا
حتي وجعي وفرحتي
كلة معاهم أندفن
لسه جوايا غصة
والوجع سكن الضلوع
سنين وعدت
لكن شوقي ليهم بيكبر
من غيرهم بقيت
بسمة باهتة
فرحة تايهة
روح وماتت
الصورة نقصة
حاجات كتير
بقوا ذكري
برواز معلق
على الحيطان
وانا صورتي
أصبحت ضلام
واحدة تانية
بعدي يومي
أهو والسلام
الدنيا من غيركم
آه وألف آه
عذاب وأحزان
#منى محمدرزق
ليست هناك تعليقات:
إرسال تعليق