لحظه حب
غنوه للشاعر السيد الشهاوي
نسيت زماني ياحبيبي قسوته
والعمر ضحكت لياليه
جاني النهارده بفرحته
وقاللي دوس عالهجر جافيه
ادي القدر اللي ياما غلبت
اصالح فيه
هان طبعه عليه و صفا لي
واترجاني انسي واصافيه
*****
الليالي اللي خدتني معاك
لدنيا هواك وهانت فيها آلامي
اللقا والحب فيها حاجه
فاقت احلي احلامي
لقتني معاك في دنيا هواك
باعيش عمري وايامي
لا انا داري ببكره اذاي
ولا فكرت في الماضي
اتمني بس اللحظه معاك
ولو ضاع عمري انا راضي
*******
صدفه كانت يوم لقانا
والسعاده ياما قالو بتيجي صدفه
وافترقنا واحنا مش عارفين قدرنا
امتي راح يجمعنا صدفه
واتقابلنا مره ثانيه
وف عيونك شفت فرحه عمري جايه
نسيت جرحي ونسيت كمان
ليلي وسهدي وهجرك ليا
والخصام وحتي الكلام ضاع
في لمسه من ايديك لايديا
******
ولقتني معاك باقول ده هواك
نساني قسوه ايامي
وهو بهجه عمرنا.... نضيع
لو بينا ضاع عهد غرامي
حبيب قلبي.. شريك عمري
نجاتي من ضنا روحي
سقتني من عبير الحب كاس
مستحيل انساه وينساني
ليست هناك تعليقات:
إرسال تعليق