بتاريخ 18/9/2019
الشاعر المصري أحمد إبراهيم النجار
بكتب/ اي فجر؟
اي فجر ؟ بتوعدي
وتسيبي قلبي في الغروب
اي حلم بترسمي
والدمع شبورة ف شروق
اي وعد؟ بتوعدي
قولي ليا اي وعد
اي حلم اي فجر
كل شيء أحلام لفوق
طايرة بين دمعة سحاب
والغياب اصبح شروخ
بين حيطان متشقاقين
كل سكه ليها باب
والبيبان متقفلين
طير بيصرخ
فوق غصون مكسورين
وانتي فيتاني لسنين
بين مصير بحر الدموع
قولي امتي الفجر امتي
ف يوم يحين
أي فجر بتوعدي
وتسيبي قلبي في الغروب
اي حلم بترسمي
والدمع شبورة ف شروق
اه يا شوق فايض حنين
فوق جبين لحظة امل
والأمل مالهوش دليل
والدروب بالشوك بتجرح
ف السنين ف الأماني
قولي امتي تعودي تاني ؟
بعد ماتغيب المعاني
والحروف
بعد مايكون الوتر
ميت فى صوت
بعد ما يدبل شجر
والخريف يصبح وطن
جوة حلمي اللي اتسجن
والورق يسقط يموت
قولي ليا اي فجر
أي فجر فى يوم يعود
أي فجر؟
بقلم الشاعر المصري أحمد إبراهيم النجار
ليست هناك تعليقات:
إرسال تعليق