البحر المالح
=====
عدى اليوم دا زى امبارح
تايه فكرى مشغول سارح
جات البت أم عيون سوده
زرعت جوه القلب مطارح
ضحكت زى نجوم السيما
ولا أميره فى قلب مسارح
رحت أخبط يوم على بابها
طلت زى النخل الطارح
رمش عيونها ياناس جننى
شبك القلب بسهمه الجارح
قلت لها أنا عايزك ياصبيه
تسكنى قلبى وعقلى الجانح
نفسى فى قلة مياه اشربها
ردت قالت بحرى انا مالح
قلت لها نحليه بشفايفك
من شهدها وعسلها السايح
قالت إسمك إيه ياحنين
قلت لها أنا خدامك سامح
قالت مهرى مانتش قده
مليون واكتر ياللا يافالح
روح دور لك على غندوره
أنا قلبى مقضيها مصالح
قفلت كل الكون فى عنيه
ركب الطالح فوق الصالح
قلت نفاوض أونتصالخ
قالت لى انسى ان اسمك سامح
أنا زوزو والشهره مصالح
قلت بلاش الفكر الطايح
توبى بقى وكفايه فضايح
وفى اسلامنا رحت أنا شارح
تابت قالت ربى مسامح
بكره فرح
💛زوزو على سامح❤️
=====
بقلمى سامح توكل أبوالسبح
ليست هناك تعليقات:
إرسال تعليق