رثاء
الي روح الروح
زوجتي المرحومه عزيزه
لفين واخداني ايامي
من بعد ك
يا روح ساكنه في وجداني
يا عمر العمر
يا قلبي اللي انكسر
بعدك
يا عزه روحي
يا غنوه عمري
يا شعري
وسر الهامي
كنت باتمناكي جنبي العمر كله
كنت باتنفس هواكي
قولي لي امتي واذاي القاكي
**********
كل لحظة باعيشها بعدك
سنين طويله
كل حاجه اشتريناها سوي
باتفكرني بيكي
في المكان ده اتقابلنا
واتعاهدنا
وف مكان تاني. اختلفنا
واتصالحنا
والورده دي بايديكي رويتيها
واخدت سحرها من سحرك
واخدت منك عطرك
وكان عمرها
اطول من عمرك
مش ناسيكي
ياللي صورتك.دايما قدامي
بتكلمني ساعات
ساعات تضحك
وسا عات تشاركني احزاني
وتبكي
مش ناسيكي
يا احلي حاجة في دنيتي
يا عزوتي وعزتي
علي الذكري حاعيش عمري
انا جيكي
السيد الشهاوي
ليست هناك تعليقات:
إرسال تعليق