دوس
********
دوس ياقلم واحرق صدور لوغاد
نور ضلام ربط الكلام ولا فاد
زنزانه كارها الحيطان
ويا مكتر الزنازين
والظلم كتر ف ظلمه
وحياتنا بقية روتين
افرد دراعك يا بطل
وطير مع طيورها
كسر حديد غربتك
واكتبلها مصيرها
واكتبلها عنوان
يمشى لتحريرها
واحرق ورق جرنان
زور ف تواريخها
ماتخفشى من احزان
ساكنة متفرحها
وكتاب طوى المشوار
تايه وفات ريحها
ويشقشق الفجر
من غير صياح الديك
والله يا وطنى
بالعمر راح افديك
وان كان تيجى بالصبر
بالصبر هعبر بيك
ياشمس حابه الغضب
شاده الغيامه ستار
والحر فيكى تعب
ساكن ف قلبه الغبار
م الحزن شاب وخرب
قفل عليه الدار
شدين عليه اللجام
مش راضى يتكلم
بيقول يا حسن الختام
قاعد بيتالم
*********
عمرو تمساح ابوسفيان
ليست هناك تعليقات:
إرسال تعليق