صحيت من نومي اشكيلك
واجمع همي واجيلك
واوصفلك بأن البعد قاتلني
قتيل والله بين صورتك وتسجيلك
وبعتيني
واخر مره قابلتك وعدتيني
وقلتى بان انا قلبك وانا عينك
وانت النبض يا عمري يا نور عيني
يا اجمل حلم في حياتي فدا سنينك
مش هرجع
واخر مره هستناك على ضفة دموع قلبي
ومش هرجعلك اترجاك ما هو بعدك ده مش ذنبي
انا اللى رسمتلك ايامي عقد ابيض علي صدرك
ولا كنت افتكر ليله بان انت تخون حبي
وكنت بحس
انا والليل مصاحبني بحس عينيكي منها النور
يا اجمل ضحكه في عيوني يا اجمل لحظه قضيتها
وكنت اتمنى اعديلك جبال وبلاد وحتى بحور
واقول نفسي اكون اقرب جيران بيتها
وغنيتها
وفاكره لما خططنا زمان انى اعيش جنبك
وتصحي الصبح القاكي من الشباك وبصالي
مكنتش اعرف ان البعد يتسلل هنا ف قلبك
ياريحة الورد يا من كنتى عندي كل احوالى
وفاكره ايه
كلام معسول و كان ينزل على قلبي كما الريحان
الف بحضنى كان فاضي وارجع لك يكون مليان
احس بانى تهت خلاص و هتجن من احوالك
انام واحلم وبعد الفرح ترجعلى هموم واحزان
خلاص امشى
خلاص مبقتش مستاهله دموع تاني
وهرمي كل ذكراكي وهجمع كل احزاني
واسمع صوتك اتجاهله وحتى لو انه واحشنى
وارجوك امشى ومش هنسى بانك كنت عنوانى
خلاص امشى
بقلمي.. مازن السوالمي ٢٠١٩/١٢/١٥
ليست هناك تعليقات:
إرسال تعليق