مجدي فاروق كلمات رقيقة
أنا النهار ؛؛
من قلب الليل طالع نهار
مادد إيدية من بعد انتظار
هربان مالعتمة والسواد
لنور الفجر وضي الفؤاد
يضحك لوشوش البشر
ويشيل الهم من قلب الحجر
يغني مواله الجميل
ياخلق ياناس ياعطشانين
ياأرض ياخضرة يانيل
أنا النهار مش عابر سبيل
انا الأمل والمستحيل
أنا الزهر علي غصن الربيع
انا الود والخير ونبض الجميع
أنا الكتاب والكراس
والخط والإحساس
وانا الدنيا والناس
ضحكة الطفل البريئة
ولهفة الام الحبيبة
وانا الزفة للعروسة
وانا أبنك يامحروسة
إلهام الشاعر والفنان
وضلة من طيب وريحان
أنا خضار البستان
وانا الجنة في كل مكان
أنا النهار ..
ليست هناك تعليقات:
إرسال تعليق