(كلمتين وبس)
مفيش مكرر
قالولى....(سكر)
أللى يقرب ويدوق حلوته
من حلاها يسكر
قولت أفكر
وأبعت رسالتى
يمكن تصادف
وفيكى أعتر
واسألك كلتى (سكر)
دوقتى حلاوته
لوكنتى دوقتى اوصفيه
أصلى ماليش دراية بيه
لا عمري دوقتة ولاشفت صورته
ولاأيدي راحت لزرع غيري
سايبه امانه بحكم غيبته
صعيدي وأفهم فى الأصول
زي برضوا بت أصول
ومصدقك فى كل قول
أنا أصلي عارف
وقريت عيونك
قبل ألشفايف
ماالعبد برضوا حكيم عيون
باين عليها سنارتي غمزت
وليلتك معاي بألف لون
هاتى أديكى وتعالى نفرح
وسيبيني أسرح
فى لون عنيكى
يام جسم فاير
ووش ناير...تقول قمر
من صغر سني...مفهمني
أن الجمال نايم سنين بين ألشجر
مستني أجيي أنابالحصان
وبأيدي أروي ألغيطان
زرعك يزهزه فى المكان
وينزل فى قصبك
طعم ألحلا
قولى أفكر بلاش كسوف
يامهرة تسوي بالألوف
وف قدمها فرح وهنا
يابت ريدك بالحلال
يام ألعيال
أيدك فى أيدى كله يهون
مفيش محال
أيدك معاى وانا أبني خيمتي
وتبقي شريكتى
وأبقى ليكى ضهروسند
يام الولد
بالمستند
ألف شكر ع ألحلال
أللى يريح كل بال
بس لى شرط
ماتقوليش عايزة مال
ماجبيش سيرة ألفلوس
عشان بتتعب ألنفوس
غصب عني مش بخاطري
إسماعيل كسر بخاطري
وعب السلأم سرق ألفنوس
منحوس
أنا لوبأيدي أسكنك فى أحلى قصر
أناغاوي فقر
ألزمان رسم شقاه فى كفوفي
لو أنتي جدعة تتحملى معاي ظروفي
كتفك فى كتفى تسنديني
ولو عيني زاغت....قطعيني
ها....
قولى موفقة ريحيني
أبقى ليكى وتبقي ليا
وكمل معاكى نص ديني
قولت أيه...خلصيني
لا ألليل يروح وألصبح يجي
لا ولاأنتي...أكلنا سكر.
بقلم...
ألشاعر/أشرف ألقاضي
ليست هناك تعليقات:
إرسال تعليق