ماتسكتيش/كلمات الشاعرة /مهندسة إيمان محمد علي حسن

ما تسكتيش

 إوعى شئ فى الدنيا يقيدك 

 رب العالمين فى كل الأديان بيكرمك

وماتسمحيش للجهل فى يوم يهزمك 

إتعلمى وبالعلم شقى طريقك وسكتك

 إتكلمى وماتسكتيش وإخرجى من وحدتك 

 ده الصمت ضعف والضعف لا يناسب قدرتك

 إكسرى كل الحواجز، حطمى قيودك،إثبتى وجودك بينى للعالم سر قوتك

اتعلمى ، اكسرى صمتك ، ده حقك ، ماتسكتيش  اتكلمى واصرخى بعلو صوتك ومتخافيش

 قولى لا ، لا للقهر لا للظلم لا للعنف و ماتضعفيش

المجلس القومى للمرأة هيسندك                          ويؤيدك ويتبنى كمان قضيتك

هتعرفى حقوقك وتحققى طموحك                            وهتعرفى أن العنف لا يمكن يكسرك

إحلمى ، وإطلقى العنان لحلمك فى السما واحضنى حلمك بين ضلوعك إوعى حد يوقفك

 أنت الحياة أنت الوجود أنت الوطن                               متخليش الظلم أبدا فى يوم يقهرك

أنت حوا من ضلع آدم خُلِقْتِ ، وآدم وَلَدتِ                              وهو شريكك وكل حاجة فى دنيتك

كونى أنت وفكى قيودك واتحررى ده كنوز الدنيا لا تساوى ثمنا لحريتك 

قصيدة من تأليف المهندسة / إيمان محمد على حسن وكيل وزارة الزراعة سابقا وعضو المجلس القومى للمرأة بقنا ومدير المشروعات التنموية بقنا حاليا ...   فى 28 من نوفمبر 2016