بيقول عليا أنا
مغروره غير الناس
يوصفني في عيوني
وأنا أصله معرفهوش
ولا عمره شاف لوني
في حياتي مقابلتوش
أنا بنت أبويا بجد
علمني ازاي أرد
أنا قلبي حاره سد
يلي مفهمتوش
لا شبهي تلاقي حد
ولا تشغلني الرتوش
مظلومه من غير ذنب
احميني في العالي
لا توطي راسي لحد
يجرحني في سؤالي
مهما دموعنا تهد
دمع الكريم غالي
اشكي اليك من الناس
بالكدب ظلموني
كاتبين كلام حساس
بالحرف جرحوني
حقي هيجي أكيد
قلبي خلاص جاحد
مش عايزه منكم ايد
تمد وتعاهد
في عيوني يبقي شهيد
بالكدب كان زايد
ده الحب مش عافيه
ولا كلمه ولا افيه
انا مش حبيبه حد
ولا عمري عشته سنين
أنا ست بيتي بجد
معرفش في التلوين
اللي عايزني غرام
يمشي بعيد عني
أنا فاهمه عايز ايه
لما يظلمني
بيقول بتتكبري
وعليا بتتغندري
وأنا اصلي مش فكراه
ولا كنت ثانيه معاه
يمكن بعقله غواه
اني اعاني هواه
ازاي يقول انساه
وأنا اصلي مش فكراه
بقلمي
سلوى ابراهيم
ليست هناك تعليقات:
إرسال تعليق