ربيع وخريف
الخريف فيه نهايتي
والربيع فيه بداية
الملم اوراق خريفي
وابدأ من تاني حكاية
اوراق خريفي عمر فات
فيها حياة وذكريات
فيها اهل وفيها ناس
وفيها حد علي القلب داس
بستان ربيعي اشجاره خضرة
وضله وافر وزهوره ناضرة
متحوط بسور مكتوب عليه
دا حلم صعب تقدر عليه
وفي النهاية وفي الختام
وقبل ما ارمي السلام
من رأيكم ابدأ حكاية
ولا افض الكلام
قد ايه صعب القرار
لما يكون ما فيش اختيار
يحيى حسين 17 ديسمبر 2018
ليست هناك تعليقات:
إرسال تعليق