ملوك الانسانية
قد ايه الانسانية
كلمة مليانة بمعاني
كلمة رايحة وكلمة جاية
نقعد نرص في اغاني
والاغاني تصدقوها
والمعاني بتقلبوها
والغلابة في كل حتة
مش مهم.
يخرب بيت ابوها
هما عايزين كل حاجة
احنا يا ناس كل حاجة
وانتوا والله ما اي حاجة
انتوا يا دوب حبة تراب
في الزبالة تترمي
كل ما توطوا اعلى انا
وتزيد غلاوة اسهمي
خلاص. خلاص بلاش كلام
احنا خلاص راضيين سكوتنا
بس قولولنا فين المدافن
لو جه في يوم ورحنا موتنا
ولا حتبيعوا اللي باقي
بكرة تبيعوا المأقي
وتسرقوا النور من عينينا
تصدقوا الحق علينا
الفين اخسين علينا
يحيى حسين 26 ديسمبر 2018
ليست هناك تعليقات:
إرسال تعليق