عظيمة يامصر...
علي كل لون بشوف عيونك
وبكل لسان بسمع حكايتك
ألكل صابه طيش جنونك
وع الربابه بيغني سيرتك
بهيه وأبييه وساعة حضورك
أشوفك حوريه وساكنه نيلك
ليكي جذور وفى سماكي نسور
وع ألبر شاعر غرقان فى حبك
عظيمة يامصر وألعظمه ليكي
وألعلم فيكي حضناه حجارتك
ألكل شايف سامع وعارف
أصلك وفصلك بس حاسدني على حضارتك
بين ألشعوب حافظه مكانتك
ألله يامصر على عظمتك
ألله يامصر سماكى بسمك
ونوره تجلا فى حضن طورك
ألخير فى أرضك وفى حضن طينك
ويوسف واقف حارس خزانتك
أدريس وأبراهيم...وهارون وموسي
زكريا وألعدرا........ونبينا عيسي
شهدوا بطيبتك وكرمك وأمنك
شريفه وعفيفه وماريا بنتك
وللحبيب نسبك وصهرك
حبيبي محمد وصاني أحبك
وأحب قبطك وشعبك وجندك
وأسهر مرابط أهتف بأسمك
أللي يفكر أقطعلوا أيدوا
قبل ماتوصل وتمس ضفيرتك
يامصر ألبدايه وأصل ألحكايه
ومافيش نهايه ألابقيامتك
ألشاعر....
أشرف القاضي
ليست هناك تعليقات:
إرسال تعليق