. حبيبتي الغالية
مبارح المسا ومن بعد العشيّه
سرح تفكيري بحبيبتي الغاليّه
إكتبتلها واحترت كيف بوصلها
الله سبحانو بعثلي طير هديه
إجا من السما وحط ع شباكي
يمكن عرف أشواقي من عنيّه
ناديتو وقلت يا هلا بمرسالي
وقتا خطر ببالي هيك إرساليه
قلت ياطير خذ مني كلامي
للي غزت أحلامي عيونها لوزيه
خبرها ع الغياب عذاب ولوعه
نار الشوق والفرقة بتاكل فيّه
بقربها الروح دوم بهنا وسعد
نسمة ناعمة وبرد بعز الصيفيه
لما بلمحها بعتمة ليل صافي
جاي يمي بعطر ورود جوريه
نقعد حد النهر تحت صفصافي
أناغيها و لاغيها تتدلل عليّه
وتروح سهرتنا تعانق الصبح
والقمر يغيب وشو عن الميه
شو صار لا حتى الزمن فرقنا
أنا بحكيك ومابعرف وينا هيّه
.. غانم ع الخوري ..
ليست هناك تعليقات:
إرسال تعليق